Mipahimangno sa publiko ang buhatan sa Bureau of Fire Protection – Cebu City Fire Station sa luwas nga pagsaulog sa adlaw sa Pasko.
Kini ang gipamahayag ni SFO3 Wendell Villanueva, agn tigpamaba sa Cebu City Fire Station sa eksklusibong pakighinabi niini sa Bombo Radyo Cebu News Team diin saysay pa niini nga karong disperas sa Pasko kay saulogon kini nga mahinungdanon nga layo sa mga kakulian sa kaluwasan.
Gani gipadayag pud niini nga unta karong tuiga kay mususama sa nakalabayng niadtong 2024 diin walay natala nga sunog o fire incident sulod sa dakbayan sa Sugbo.
Gitampo ni Villanueva ang nindot nga datos sa nakalabayng tuig tungod sa subsob sa pagpangampanya sa public information dissemination sa pahimgano sa mensahe sa paglikay sa pabuto ug pagbantay sa mga panimalay sa risgo sa sunog pinagi sa Oplan Ligtas na Pamayanan.
Padayong pahimangno sa mga opisyal sa publiko nga magsaulog sa Pasko ug Bag-ong Tuig nga layo sa mga delubyo ilabi na sa hulga sa sunog.
