Plano ni Cebu City Coucilor Atty. Sisinio Andales, nga padugangan ang cash assistance sa mga Senior Citizens sa dakbayan sa Sugbo, gikan sa tag 12,000 ngadto na sa 15,000 matag tuig.
Kini ang gibutyag ni Konsehal Andales, atol sa pagpakighinabi sa Bombo Radyo Cebu News Team, nga plano niini nga padugangan ug 250 pesos ang tagsa ka libo nga assistance matagbuwan, kini gumikan kay matud pa wala pa matino kung pila ang gigahin nga budget alang sa mga Senior Citizens.//
Dugang usab niini, apil usab nga i-amyendar sa konseho ang gilatid sa balaod nga limit nga makadawat sa cash-assistance kung diin gikan sa 2013 ngadto na sa 2021 paubos, aron nga mas daghan ang maka-avail sa maong assistance.
Gihimug-atan usab ni Andales, nga kinahanglan pa usab kining tukion kay matud pa wala pa mahibaw-i kung pilay nahibilin nga pundo sa lokal nga kagamhanan, tungod sa mga utang niini nga wala pa mabayri sa nakalabay nga administrasyon.
Sa pikas bahin, gibana-bana nga mokabat sa P1-Billion ang posibleng budget alang sa 80,000-ka mga benefeciaries sa cash assistance, bisan paman nga gikabalak-an niini ang budget allocations apan positibo ra usab ang tubag sa konseho.
