Nabalaka ang sagad sa Cebu City Council sa proposed fence project nga tukoron sa Pasil Fish Market, kini tungod sa dakong epekto niini sa accessibility ug sa kauswag sa ekonomiya niini.
Gihulagway ni Cebu City Councilor Jocelyn Pesquera, ang Pasil Fish Market isip puno ug baskug sa ekonimiya tungod sa papel niini alang sa mga kosumer ug mamaligya-ay nga posibleng mamahimung umaabot “island hopping port” tungod sa kaduol niini sa dakbayan, nga hinungdan nga makadani ug makadugang sa mga turista sa siyudad.
Gikuwestiyon usab ni Pesquera ang proposal nga pakuralan ang Pasil Fish Market, bisan paman makahatag kini ug seguridad, sigon niini makahatag usab kini ug limitado nga access sa merkado.
Gipasabut usab ni Cebu City Councilor Maria Lilibeth del Mar, atol sa ilang session niadtong Miyerkules May 21, 2025, nga ang maong proyekto dugay nang gihangyu sa City Market Administrator.
Gihimug-atan usab ni Del Mar, nga ang pagpakural sa Pasil Fish Market, pamaagi aron depensahan ug makunhoran ang kaso sa kawat ug vandalism.
Samtang, nanghinaot usab ang mga representante sa Cebu Pasil Fish Market Association nga aprobahan ang pagpakural sa Merkado aron pausbawan ang seguridad batok sa mga pagpangawat. | via Bombo Nathaniel Sandoval
