CEBU CITY-Nihangyo ang Cebu City Council sa Land Transportation Franchising and Regulatory Board sa Central Visayas nga imbestigahan ang giingong insidente sa usa ka taxi driver nga naningil og flat rate imbes nga gamiton ang taxi meter.
Nasyaran nga ang maong resolusyon giduso ni Cebu City Councilor Rey Gealon, chairman sa Traffic Management and Coordinating Council , nga naghangyo sa LTRFB 7 nga susihon ang ang maong insidente diin giingon nga polisiya kini sa mga taxi driver.
Gani, atol sa pakighinabi sa Bombo Radyo Cebu kang Eduardo Montealto Jr., ang regional director sa LTFRB-7, gitino niini nga dugay na nga naabot sa iyang buhatan, ingon man nga gihatagan na usab kini og lakang.
Giklaro usab sa opisyal nga bisan sa wala paman kini nga resolusyon sa Dakbayan, daghan na sila og naluwatan og ‘Show-cause Order’, apan ang operator ang ma-penaltihan ug dili ang mga drayber.
