Gikuwestiyon ni Cebu City Councilor Jun Alcover, ang pag-manage sa night market sa Garbo Asenso Sumbanan sa Alyansa Board kon GASA, tungod sa mga reklamo sa mga pipila ka mga tindera nga miabot sa iyang opisina nga aduna nay nagsukod-sukod ug nangolekta sa mga ispasyu sa dalan Colon.
Gikuwestiyon usab niini kung kinsa ang nag-authorize sa pagbutang ug mga numero sa mga ispasyu niini ug pagkolekta bisan paman nga walay nag-aprobar sa maong mga lakang.
Dugang usab ni Alcover, aduna nay pipila ka mga kaso sa anomaliya ang giingung nahitabo sa mismong night market, nga paliton ang mga ispasyu ug ibaligya ra usab sa lain.
Nanawagan usab si Alcover nga unta ipatawag ni Cebu City Mayor Nestor Archival, ang GASA Board aron nga malihayan ang mga anumalusong buhat sa pag-manage sa night market.
Gihimug-atan niini nga andam siyang mobabag sa pagpahigayun sa night market kung ugaling sugdan nila kini bisan ug walay giduso nga resulosyon gikan sa GASA Board.
