CEBU CITY-Nanawagan si Cebu City Councilor Pastor ‘Jun’ Alcover, ang chairman sa Committee on Agriculture, alang sa usa ka executive session arun nga hisgotan ang regulasyon sa sabong atol sa mga kapsistahan sa nagkadaiyang barangay sa dakbayan.
Gibutyag sa konsehal nga mutambong sa maong session ang mga representante sa Cebu City Police Office, cockpit operators, mga mahiligon ug sabong, Cebu City Gamefowl Commission, Office of the Mayor, ug Association of Barangay Councils.
Matud ni Alcover nga ang ‘sabong’ nahimo nang kabahin sa kasaysayan sa nasud, diin namugna niadto pang wala pa maabot ang mga Katsila
Samtang, gihimug-atan usab sa konsehal nga otorisado ang syudad sa pag-regulate sa mga operasyon sa sabongan ubos sa Local Government Code.
