Cebu City- Tinguha karon sa DepEd region 7 nga makuha pagbalik ang ika upat nga pwesto o di ba kaha musaka ngadto na sa ikaduhang pwesto sa ilang ranking sa Palarong Pambansa.
Matud ni Luz Andaya ang chief sa education support section service sa Department of Education Region 7 nga sa miaging tuig naa sila sa ika-9 nga pwesto sa kinatibuk-an ug gane gusto nila nga mapalambo ang ilang ranking karong tuiga.
Subay niini iyahang gipahinumduman ang mga atleta nga ang ilang tumong nagdto sa Vigan dili ang pagsuroy inay mao ang pagsangka sa uban pang mga rehiyon.
Matud niini nga sa ilang briefing , ang mga delegado sugud sa Abril 10 hangtud sa 14 gikinahanglan nga ilang ma familiarize ang venue sa mg duwa ug padayon ang pagbansay bansay alang sa kompetisyon nga magsugud sa Abril 16 hangtud sa 21.
Matud usab niini nga tanang atleta nga gipadala sa rehiyon 7 ang pulos tanan mga medalist ug sigurado nga maka compete gayud.
Tambag na lamang niini sa mga atleta nga dili gyud magpataka ug palit ug pagkaon aron nga malikay sa mga insidente sa food poison ug pagkalain sa ilang tyan.
Nasayran nga ang mga kabataan lamang ug mga coaches ug support staff ang mahimo nga muhigda sa mga billeting area ug dili mahimo ang mga ginikanan.
Ugmang adlawa nakatakda nga mubyahe paingon sa kauluhan ang mga delegado .
