Nakauli na sa dakbayan sa Sugbo ang Disaster Response Team sa Cebu City Disaster Risk Reduction and Management Office (CCDRRMO) nga gi-deploy sa Iligan City aron sa pagtabang sa clearing operations human sa kadaot nga gibilin sa nakalabayng Bagyong Basyang.
Sumala pa sa eksklusibong pakighinabi sa Bombo Radyo Cebu News Team kang Ferl-John Pacaldo, ang Operations Response Head sa CCDRRMO nga kagahapong adlawa sa Huwebes, Pebrero 12 kay nag-demobilize na sila sa tanan active assets ingon man nga mi-onboard na sila sakay og sakayang pandagat pabalik sa Cebu City.
Mi-courtesy last call pud sila kang Iligan City Mayor Freddie Siao sa ilang pagtuyan sa accomplishment and activity report ug pagpadangat na sab og pagpanamilit sa Iligan City.
Gani ang deployment sa CCDRRMO sa Iligan City kay milanat sa lima ka adlaw sa ilang natampo nga suporta ug tabang sa maong dakbayan nga sa pagkakaron kay nagpadayon pa ang clearing operations sa pipila ka bahin sa Iligan. Sumada pa niini base sa pakig-alayon sa Iligan City Government nga 80% recovered na ang Barangay Mahayahay nga target zone sa rescue personnel.
Ingon man nga ang dakbayan sa Iligan kay padayon gihapong nanginahanglan og tabang kay daghan gihapon ang biktima sa katalagman. Gani kung adunay busilak nga mga kasing-kasing nga andam mutabang kay mamahimo kining mudapit sa Lokal nga Kagamhanan sa Iligan aron mapadangat kini sa mga nanginahanglan.
