Cebu City-Gihulagway sa Cebu City Division Sports Coordinator nga si Francis Ramirez nga sa pagsugod palang sa CVRAA 2018 kampante na sila nga mag-una sila sa medal tally.
Kini human nga naapsan na nila karon ang Bohol Division nga maoy kanhi nanguna sa medal tally human nga gisugdan ang event.
Nagkanayon si Ramirez nga wala nalakip sa official tally ang mga medals nga nakuha nila basi sa mga coaches hayan dili mao ang ihap sa medal nga natala sa record.Gibutyag pa sa sports coordinator nga sa unang duha ka adlaw palang sa CVRAA nakakuha na sila og 34 golds hayan kampante sila nga sila gyud ang mag-una.
Sa kasamtangan dul-an 90 golds ang ilang nakuha og target nila nga mas madugangan pa kini sanglit daghan pa kaayo ang mga duwa.
Kompyansa usab si Ramirez nga malabwan pa nila ang nakuha nila nga medal sa nakalabay nga tuig sanglit subsub ang training sa ilang mga atleta.
Kahinumduman nga sa mi-aging CVRAA ang Cebu City Division maoy over all champion.
