Nakig-alayon ang Cebu City Fire Office ngadto sa Philippine Police particular na sa Mabolo Police Station human nga gisuwayan sa pagsunog sa duha ka lalaki nga nagmotorsiklo ang usa ka establisemento nga nahimutang sa Salinas Drive sa Barangay Lahug ning dakbayan sa Sugbo.
Makita sa mga hulagway nga adunay usa ka lalaki nga daling nirespondi sa mao nga lugar bitbit ang usa ka fire extinguisher arun sa pagpawng sa maong kayo ug pagpugong sa pagkatap niini ngadto sa mga silingan nga mga establishamento.
Matud sa saksi nga duha ka mga lalaki ang niabot atubangan sa gate sa maong edipisyo nga nibubo og gasolina nga gibutang sulod sa bottled water, ug daling gidauban ug nisibat.
Maayo na lang kay ang mga tawo sa restaurant kilid sa establisemento nakahimo sa pagpawong sa kayo pinaagi sa paggamit og fire extinguisher.
Sa pakighinabi sa Bombo Radyo Cebu kang Senior Fire Office 2 Wendell Villanueva, ang Tigpamaba Sa Cebu City Fire Station nga padayon pa ang ilang buhatan sa pagkuha og mga CCTV footages arun madeterminar ang mga personalidad sa duha ka indibidwal ug sila mismo ang mopasaka og kaso kon mailhan ug mapamatud-an nga adunay arson nga nahitabo.
