CEBU CITY-Gipalig-on sa Cebu City Government ang pagpatuman sa PBBM’s Executive Order (EO) No. 39 o ang pagpahamtang og mandated price ceilings sa bugas pinaagi sa pagmugna og price monitoring taskforce aron masiguro nga ang mga rice retailers mosunod sa gipatuman nga price cap, kini sumala sa Cebu City Market Administrator nga si Robert Barquilla.
Sa nalatid ubos sa EO No. 39, ang gimando nga price ceiling sa Regular Milled Rice kay Php 41 kada kilo samtang ang Well-Milled Rice kay Php 45 kada kilo.
Sa wala pa kini ipatuman, ang Regular Milled Rice gipresyohan sa Php 45 ngadto sa 50 matag kilo; Ang Well-Milled Rice anaa sa Php 55 ngadto sa 60 matag kilo.
Ang EO moepekto lamang sa Regular ug Well Milled Rice ug ang Premium Rice Brands magpabilin sa ilang kasamtangang presyo.
Mohatag usab ang DTI og financial assistance sa mga apektadong rice retailers.
Giawhag ni Barquilla ang publiko nga makig-alayon sa Office of the City Market kung adunay mga kabalaka bahin niini.
