CEBU CITY- Nagpahigayon ang Cebu City government og flag-raising ceremony ug wreath-laying rites sa Plaza Sugbo subay sa obserbasyon sa 127th Philippine Independence Day karung adlawa sa sa Plaza Sugbo Grounds, nga nahimutang atubangan sa Cebu City Hall Legislative Building.
Kung diin, si Acting Mayor Dondon Hontiveros maoy nangulo sa pagsaulog uban ni City Councilor Joy Pesquera ug ang mga empleyado sa City Hall ug mga department head sa Cebu City Government, ingon man ang gikan sa ubang lokal ug nasudnong ahensiya sa kagamhanan.
Sa iyang pakigpulong, ang acting mayor nihatag og gibug-aton sa kamahinungdanon sa pagpasidungog sa Independence Day isip pagpasidungog sa kaisog ug kalig-on sa mga bayani nga Pilipino nga nakigbisog alang sa kagawasan sa nasud.
Iyang giila ang ilang mahinungdanong papel sa pag-umol sa buhi ug lain-laing nasod nga atong nailhan karon.
Nanawagan usab si Hontiveros nanawagan sa mga Pilipino nga atubangon ang modernong mga hagit sama sa kakabos, inequality, disinformation, ug social division.
Namulong atubangan sa mga opisyal sa siyudad, mga kawani sa gobyerno, ug mga residente nga nagpundok sa Plaza Sugbo, si Hontiveros miingon nga samtang ang mga Pilipino wala na mag-atubang sa mga kolonisador, ang pakigbisog alang sa tinuod nga kagawasan nagpadayon sa porma sa sistematikong pakigbisog nga naghulga sa pag-uswag ug panaghiusa sa nasud.
Gihatagan niini og gibug-aton nga ang Independence Day dili lamang usa ka tribute sa kaisog sa mga bayani nga Pilipino kondili usa ka pahinumdom sa mga public servants sa ilang katungdanan sa pag-alagad uban ang integridad ug kalooy.
