CEBU CITY – Nangandam na ang Cebu City Government alang sa umaabot nga Palarong Pambansa 2024 karong umaabot nga Agosto. Kini nga kalihokan, nakig alayon ang city government sa Department of Education.
Ang city government sa pangulo ni Mayor Mike Rama misaad nga ang ika-64 nga edisyon sa national games mogamit sa internasyonal nga mga standards sa pag-host nga magpasabot usab og mas maayong serbisyo sa akomodasyon alang sa mga delegates.
Sa banabana sa DepEd, kapin sa 12,000 ka mga student athletes uban sa ilang mga coaches ang gipaabot nga musalmot sa Sugbo karong Palarong Pambansa 2024, lakip na usab ang liboan ka mga pamilya sa mga student athletes.
Matud pa ni John Pages ang Chairman sa Cebu City Sports Commission nga kasamtangang gitutokan ang rehabilitation sa mga facilities sama sa swimming pool ug bag-o nga track oval.
Gikabutyag usab nga adunay 20 ka mga billeting quarters ang anaa sa Cebu City.
Apan wala pay gikabutyag nga final date sa palarong pambansa, gani nasabutan nga karong Agosto ang target month.
Samtang, kabahin sa isyu sa panahon wala kini nabalaka hilabi na nga ang mga playing venues uban sa pakig-alayon sa mga unibersidad ug malls adto ipahigayon ang mga duwa gumikan 70% niini indoors.
Alang usab sa mga athletes with special needs adunay ipahigayon nga simultaneous activity sa regular sports ug sa alang sa mga duwa o alang sa mga special needs education learners.
Ang pipila ka mga sports sa mga athletes with special mao ang swimming , bocce, goalball, ug para athletics.
