Subsub na ang pagpangandam sa Cebu City Government sa umaabot nga adlaw minatay karong Nobyembre 1 ug 2.
Kini ang gitino ni Cebu City Mayor Nestor Archival subay sa gilaumang pagdagsa sa liboan ka mga tawo sa mga sam-ang aron sa paghandom sa ilang minahal sa kinabuhi nga mitaliwan sa laing kalibutan.
Gibana-bana nga adunay 9 ka menteryo ang dakbayan sa Sugbo nga kinahanglang pangandaman sama sa pagpanglimpyo sugod karong adlawa, Oktubre 20 hangtud Nobemre 3 human sa kalag kalag nga dumalaon sa buhatan sa CESET ug Department of Public Services.
Ingon man nga una niini, gipahibalo ni Cebu City Councilor Paul Labra nga maoy chairman sa Peace and Order nga magpahigayon og coordination meeting ngadto na sa mga nagkadaiyang buhatan aron masiguro ang siguridad.
Nakigtagbo usab si Archival sa mga manindahay nga dili mogawas ang mga tindahan sa sidewalk ug kinahanglan nga adunay lugar ang mga managkutay gani gimandoan niya ang PROBE, DSWS ug CCTO sa pagdumala sa dagan sa trapiko ug pagpaninda.
Nakaplano usab nga mag-umol og Execute order kung mahimo nang pinal ang masabotan sa matag departamento nga maoy sundon nga lagda ug implementasyon sa umaabot kalag kalag.
Samtang, plano usab ni Mayor Archival nga magtukod og pet cemetery sa dakbayan.
Matud sa mayor nga iyang naobserbahan nga daghang nangamatay nga mga binuhi ang wala mahatagan og saktong lubong ug usahay ilabay nalang sa mga sapa.
Dugang pa ni Archival nga ang Barangay Guba usa sa mga posibleng lugar nga gikonsiderar alang sa pet cemetery.
