CEBU CITY-Magpahigayon ang kagamhanang dakbayan sa Sugbo og New Year’s Countdown sa Plaza Independencia ning Disyembre 31, 2024.
Diin kagahapong adlawa nagpahigayon ang mga opisyales sa kagamhanang dakbayan og final coordination meeting nga naglakip sa Cebu City Fire Office, Cebu City Police Office, ug sa Cebu City Government nga gipangulohan ni Cebu City Councilor Jocelyn “Joy” Pesquera, kinsa maoy chairman sa maong kalihokan.
Giisip kini nga selebrasyon sa pagsugat sa tuig 2025 ug official kick-off sa Sinulog Festival diin magsugod ang kalingawan alas 6 sa gabii karong Martes nga muhangtod sa alas 2 sa kadlawn sa Miyerkules, Enero 1.
Present sa maong kalihokan ang bandang Rivermaya ug ang pasundayag sab sa bandang Nexxus ug uban pa.
Pangulohan kini ni Cebu City Mayor Raymond Alvin Garcia diin aduna sab fireworks display ang pagabuhaton inig takna sa alas 12 sa kadlawn.
Libre kini nga masuroyan sa publiko aron sa init ug malingaw ang pagsugat sa tuig 2025.
