CEBU CITY-Nakadawat og dakong pag-usbaw sa operational capabilities ang Cebu City Police Office (CCPO) nga pinangulohan ni City Director Police Colonel Ireneo B Dalogdog, kini human makadawat ug anaa sa 56-ka mga assault rifles, 4-ka sniper rifles, ug 8 ka sedan patrol cars ang kapolisan gahapon Biyernes, Hulyo 12, 2024.
Gipahigayon sa Plaza Sugbo sa maong dakbayan ang turnover ceremony nga gitambongan sa ubay-ubay nga mga inilang opisyal ug kadagkoan.
Opisyal nga gitunol ang mga ekipo ni Cebu City Acting Mayor Raymond Alvin Garcia kinsa giubanan ni Cebu City Councilor, Philip Zafra, kinsa nipadayag usab sa iyang suporta sa mga inisyatibo sa pagpatuman sa balaod sa dakbayan.
Gitambongan ang seemonyas sa ni Police Brigadier General Anthony Aberin, ang Regional Director sa Police Regional Office 7,kinsa nihatag og gibug-aton sa kamahinungdanon niini nga mga kahinguhaan sa pagpausbaw sa kahusayan ug pagka-epektibo sa pwersa sa kapulisan.
Gilauman nga ang bag-ong nakuha nga mga ekipo makapauswag sa kaandam sa operasyon sa CCPO, nga makapahimo kanila sa pagtubag nga mas epektibo sa lain-laing mga hagit sa seguridad.
Ang pagdugang og mga mobility assets ug mga kagamitan sa armas nagpasiugda sa nagpadayon nga mga paningkamot sa pagsangkap sa kapulisan sa gikinahanglan nga mga himan aron masiguro ang kaluwasan ug seguridad sa komunidad ilabina sa tibuok Police Regional Office 7.
