CEBU CITY-Muhatag ug P5-M nga hinabang ang Cebu City Government ngadto sa Batangas City Government alang sa mga apektado sa Taal eruption.
Kini human nga personal nga mibisita si Cebu City Mayor Edgardo Labella ngadto sa mga kalungsuran ug mga sIyudad nga sakop sa Batangas sa nakalabay nga adlaw. Kauban ni Labella sa pagbisita ang Cebu City Disaster Risk and Reduction Management Chief nga si Harold Alcontin aron sa pagsuta kun unsa nga hinabang ang mahatag sa Cebu City government sa mga apektadong pamilya.
Nagkanayon si Labella nga base sa ilang assessment sa mga apektadong area, nagkinahanglan kini og pagkaon, tubig ug hygiene kit.
Plano sa Mayor nga kwarta nalang ang itunol ngadto sa Batanggas aron sila na ang muhatag ug hinabang ngadto sa mga biktima.
Sa pagkakaron,ang Local Provincial Government sa Batangas ang ni-provide ug pagkaon sa 200,000 ka mga evacuees nga nibiya sa ilang panimalay gumikan sa pagbuto sa bulkan.
Samtang padayon karon nga gi-assess ni Alcontin kun unsa ang mga immediate nga panginahanglanon sa mga biktima.
