CEBU CITY-Mikabat sa P234.9 milyones ang natigum sa kagamhanang dakbayan sa Sugbo atol sa pag-host ini sa Palarong Pambansa 2024 sa makalabay nga buwan sa Hulyo 2024.
Kini ang gipamahayag ni Cebu City Acting Mayor Raymond Alvin Garcia atol sa press conference niini sa Cebu City Hall kagahapong adlawa sa Lunes, Agosto 12.
Base sa subay sa Appropriation and Expenditures sa pag-host sa Palaro nga gikan sa P405.9 milyones nga approved budget diin P200 milyones gikan sa City Annual Budget ug ang nahabiling P205.9 milyones gikan sa napasar nga Supplemental Budget No. 1 kay miabot lang sa P171 milyones lang nagasto diin P148.029 milyones ang nakuha sa Annual Budget ug P23 milyones sa Supplemental Budget No.1.
Kini nagpasabot nga nakatigum ang dakbayan sa kapin sa P51.971 milyones sa pundo gikan sa Annual Budget ug P182.974 milyones sa pundo gikan sa Supplemental Budget No.1.
Gipasigarbo usab sa Acting Mayor nga bisan sa savings na nabuhat sa dakbayan, wala na koprimiso ang kalidad sa talagsaong pag-host sa Palarong Pambansa.
