Wala pay klaro kung magpatuman ba ang Kagamhanang Dakbayan sa Sugbo sa 4-day workweek nga inisyatiba nga gikan sa kaulohan.
Kini samtang nagduha-duha pa ang dakbayan sa pagpatuman niini subay pa sa sa pamahayag i Cebu City Mayor Nestor Archival Sr.
Sumala pa sa mayor nga mangayo usa kini og dugang panahon aron tun-an og mangunsulta ilabi na sa mga negosyante sa dakbayan ng nagtinguha nga mapalambo ang ilang pamatigayon.
Hinaot ni Mayor Archival sa pagpangulsulta sa mga negosyante kung uyon ba kini sila ilabi na nga makaapektar kini sa ilang halin nga maoy nagpasweldo sa ilang mga trabahante.
Samtang sa habig sa pipila ka mga trabahante sa City Hall kay nabahin kini sa maong inisyatiba kay bisan man sa dugang nga adlaw nga wala sila sa trabahoan apan ang upat ka adlaw kay lugwayan sa mapansong oras lapas sa naandang walo ka oras.
Kahinuduman nga mimando ang Malacañan sa pagpatuman og 4-day workweek sa tinguha nga makadaginot og gasolina ug kuryente tungod sa krisis sa enerhiya mugna sa kagubot nga mitumaw sa Middle East nga nakaapektar sa suplay sa produktong lana kapin semana na ang milabay.
