CEBU CITY — Mipahigayon og suprise drug test ang Cebu City Office for Substance Abuse Prevention (COSAP) ngadto sa mga empleyado sa Cebu City Government.
Gibutyag ni COSAP Head Jonah John Rodriguez nga pipila sa mga departamento nga gipaubos sa surprise drug test mao ang PROBE, Department of General services (DGS), ug Market ug Office of the City Civil Registrar (OCCR).
Matud ni Rodriguez nga duha sa mga departamento ang adunay nagpositibo sa paggamit og ginadiling drugas.
Gipasalamatan usab ni Rodriguez nga walay nagpositibo mga sakop sa iyang departamento atol sa kinalit nga drug test.
Subay niini, magsumitir sila ug report sa city legal kabahin sa maong resulta aron sila na ang modesisyon kung angayan bang taktakon ba sa trabaho ang mga nagpositibo.
Apan gitataw usab sa COSAP head nga ubos sa pronouncement ni Cebu City Mayor Edgardo Labella nga taktakon gyud sa serbisyo ang mga naggamit og ginadiling drugas. (LQ)
