Plano nga pagaimbestigaran sa lokal nga kagamhanan sa Dakbayan sa Sugbo ang giingong mga nag paluyo sa mga manglimusay ug mga inahan nga nagdala ug menor de edad dinhi sa kadalanan sa dakbayan sa Sugbo.
Gibutyag ni Cebu City Mayor Nestor Archival, nga i-convene niya ang Anti-Mendecancy Board, aron sa pagsuta sa mga giingong adunay mga nag paluyo nga matud pa usa ka sindikato niining mga mendicancy o manlimusay nga nagkadaghan hilabi na sa hinangat na ang pasko.
Sigon usab niini, nga kinahanglan sutaon ug i-qualify kung manlimosay ba kini, libod suroy ug kung aduna bay sakit sa pangutok, aron nga mahimutang sila ug tarong, gumikan kay matud niini adunay mga Non-Governmental Organizations nga nag-atiman sa nakhiago sa klase-klaseng sitwasiyon.
Dugang pa niini, gikataho nga adunay mga sakyanan nga nagdala niining mga tawo sakay sa usa ka L300 Van, ug giingong kuhaan og tsinelas og palakwon og papangayuon sa mga motorista .
Matud usab niini, nga aduna usab laing grupo sa mga sabon gang nga mangatang sa mga kadalanan aron mangilad sa mga motorista ug mangayuan ug kwarta.
Makig-alayun usab ang Mayor sa mga sakop sa kapulisan sa dakbayan sa Sugbo, aron susihon kung asa kini nanukad ug posible ba kining kaso usab sa human trafficking, ug kung masakpan.
