CEBU CITY-Milagda og usa ka kasabotan ang kagamhanang dakbayan sa Sugbo aron sa hingpit nga pagpatuman sa cashless digital payment system sa mga transaksyon niini.
Kini human milagda og Memorandum of Agreement (MOA) kagahapong adlawa sa Lunes, Abril 7, 2025 si Cebu City Mayor Raymond Alvin Garcia ug CPaSS President Kim Jaeyoung sa pagpatuman sa strategic partnership niini sa hiniusang paningkamot nga mahimong possible ang digital transaction sa dakbayan.
Nanghinaot ang maong kolaborasyon sa pag-streamline sa mga public services aron mapalambo pa ang pagdumala sa kagamhanan sa dakbayan.
Kabahin ang inisyatiba sa halapad nga plano sa kagamhanan nga mapa-modernize ug maibanan ang reliance sa cash-based transactions sa nagkadaiyang buhatan niini sama sa real property ug business taxes.
Ang sistema sa digital transaction kay gipanigurong secured pinaagi sa paggamit ug blockchain ug stablecoin technology nga maoy kahanas sa CPaSS.
