CEBU CITY-Mipahimangno ang buhatan sa Human Resource Development Office (HRDO) sa Cebu City Hall sa mga empleyado niini sa polisiya sa pagdili sa mga empleyado ng buhatan og lawak-kapuy-an ang ilang mga opisina.
Kini subay sa akusasyon ng mitumaw online kang Cebu City Transportation Office (CCTO) chief Raquel Arce kinsang gipasinginlan nga didto na nagpuyo sa iyang opisina sa CCTO SRP Office.
Matod kini sa pangail sa kanhi empleyado sa CCTO nga si Ronald Ravina kinsa nagtumbok kang Arce ug sa iyang mga anak nga mga job-order employees sa kagamhanang dakbayan sa paggamit daw sa maong opisina aron makatipid sa galastuhon sa abang (rent), ug utilities needs.
Apan gihimakak dayon kini ni Arce diin gisaysay pa niini nga makatulog ra kini sa opisina sa higayon adunay dagkong kalihokan ang dakbayan sama sa nakalabay nga Misa de Gallo ug sa umaabot nga Sinulog.
Samtang gipasalig sa pamunuan sa HRDO nga si Henry Tomalabcad nga naglusad na kini og imbestigasyon sa maong alegasyon apan midugang nga aduna gayud mga buhatan sa dakbayan ang 24-oras nga mag-lihok sama sa kabumberohan, kapulisan oug bisan ang CCTO nga tigdumala sa trapiko basta makatarunganon lang kini sa maong higayon.
Gipahinumdoman sa buhatan nga kadtong nanginahanglan ug lugway nga pagpabilin alang sa mga katuyoan nga may kalabotan sa trabaho kinahanglan nga mosumite sa usa ka internal memorandum nga nagdetalye sa ilang mga rason.
