Nakigtabo ang mga opisyales ug representantes sa Cebu Coty Justice Zone (CCJZ) ngadto kang Cebu City Mayor Nestor Archival Sr. sa City Hall niadtong Lunes, Agosto 4, 2025.
May katuyuan kini sa pagpabaskog sa kolaborasyon ug pagpalambo sa sektor sa hustisya sa dakbayan.
Ang pagbisita kay gipangulohan ni CCJZ Convenor ug Executive Judge Anacleto Debalucos kauban ang mga representantes sa Regional Trial Court, Office of the City Prosecutor, Department of Interior and Local Government – Cebu City Division, Cebu City Police Office, Bureau of Jail Management and Penology, Operation Second Chance, ug sa Integrated Bar of the Philippines.
Atol sa maong panagtigum, gihisgutan niini ang pipila ka mga sugilanon sa dakbayan lakip na ang proposed ordinance sa pag-institutionalize sa Cebu City Justice Zone nga nagtinguha sa koordinasyon sa mga justice sector agencies ug uban pang institutions.
Gihisgutan pud niini ang pagpatukod og usa ka Bahay Pag-asa Facility ubos sa Juvenile Justice and Welfare Act (RA 9344) para sam ga Children in Conflict with the Law (CICL) sa syudad.
Sa iyang bahin, gihangop ni Mayor Archival sa maong panagtigom og gisiguro nga ang kagamhanang dakbayan sa paningkamot nga mapakigalayon sa Justice Zone sa pagtinguha sa publiko og access sa patas, transparent, ug inklusibo nga hustisya.
