Nakigtagbo si Cebu City Mayor Nestor Archival Sr. ngadto sa mga opisyales sa Metropolitan Cebu Water District (MCWD) nga gipangulohan ni General Manager Engr. Edgar Donoso sa Cebu City Hall niadtong adlawng Lunes, Agosto 11, 2025.
Ang maong panagtabo tali sa kadagkuan sa kagamhanang dakbayan sa Sugbo ug MCWD kay aron sa paghisgutanay sa mga kabalaka sa suplay sa tubig sa syudad.
Atol sa ilang panagtabi, naghisgot kini sa umaabot nga mga kolaborasyon tali sa kagamhanang dakbayan ug sa MCWD aron mapalambo sa tiunay ang serbisyo sa tubig ilabi na sa mga underserved areas sa dakbayan ug sa mga bukirang dakbayan.
Dugang pa nga gipanglantawan nila nag planong pag-instalar sa mga water fountains sa mga tunghaan sa syudad ug ang hingpit nang pagsulbad sa isyu sa suplay sa tubig sa Barangay Kalunasan lakip na ang Bureau of Jail Management and Penology (BJMP) facility ga nahimutnag sa maong dapit. | Bombo Ken Apor
Usa kini sa mga pryoridad ni Archival sulod sa iyang termino sa pagsuta ug malungtarong solusyon sa mga problema sa suplay sa tubig ug sustainable water source niini. | Bombo Ken Apor
