Nipahigayon og emergency coordination meeting si Cebu City Mayor Nestor Archival, kauban ang Cebu City Disaster Risk Reduction and Management Office (CCDRRMO), ang Cebu City Disaster Risk Reduction and Management Council (CCDRRMC) nga gipangulohan ni Konsehal Dave Tumulak, ug mga Department Heads, isip hugot nga preparasyon alang sa nagsingabot nga Tropical Storm Tino, gahapong adlawa, Nobyembre 2, 2025.
Gihisgutan sa maong tigum ang pag-reposition sa mga rescue personnel, ang pag-andam sa tanang gikinahanglang kagamitan, ug ang pag-activate sa dugang communication resources.
Kini aron masiguro ang paspas ug organisado nga response sa panahon sa emerhensya, diin ang pangunang tumong mao ang pagpanalipod sa katawhan sa Sugbo ug pagsiguro nga ang tanang ahensya hingpit nga andam atubangan sa kalamidad.
Kahinomdoman nga ang Dakbyan sa Sugbo, gipaubos sa Blue Alert Status sa Cebu City Disaster Risk Reduction and Management Council, epektibo alas 2:30 niadtong Sabado, Nobyembre 1, 2025, subay sa direktiba ni Mayor Nestor Archival.
Ang blue alert nagpasabot sa mao ang inisyal nga hugna sa pagpangandam atol sa posibleng katalagman, diin ang tanang emergency response teams anaa sa standby, mga disaster unit sa barangay magsugod sa pagsusi sa kahandaan, emergency vehicles andam na, ug ang hugot nga pagmonitor sa mga weather bulletin gipahigayon.
Apan, alas 5:00 sa hapon gahapon, gipaubos na usab ang Dakbayan sa Sugbo sa RED ALERT STATUS
