CEBU – Subli nga anaa sa medical leave si Cebu City Mayor Edgardo Labella human nakasinati ug ubo.
Kini ang gibutyag ni CebuCity Administrator Atty. Floro Casas diin gidala matud pa ang Mayor sa hospital gahapon aron masuta ang panlawas.
Hinuon gikumpirmar sa opisyal nga anaa sa maayong kahimtang ang Mayor diin katuyuan sa pagdala niini sa balay tambalanan ang pag-check sa gibati niini nga posibleng pneumonia.
Kini na ang ika-tulong higayon nga on leave ang Mayor sukad niadtong buwan sa Enero gumikan sa ear infection, ika-duha niadtong buwan sa Hunyo diin ni file kini ug medical leave alang sa pagrekober sa sepsis.
Subay niini otomatik nga dad-on ni Cebu City Vice Mayor Michael Rama ang pangagamhanan sa syudad samtang gilauman pang makabalik ang Mayor sa adlaw’ng Lunes Hulyo 19, 2021.
