Nakigtagbo si Cebu City Mayor-elect Nestor Archival sa mga wholesalers, retailers, tappers, ug vendors ubos sa Pasil Suba Vendors Association (PASACAVA) aron matubag ang mga sugyot ug kabalaka sa nga kasamtangangang gatuyok sa nahisgutang lokal nga merkado.
Atol sa panagtigom, nahisgutan sa kadagahan sa nitambong ang kabahin sa kahuot sa trapiko, kakuwang sa mga parkinganan, problema sa drainage, ug mga hagit sa pagkuha sa mga kontrata sa pag-arkila.
Apan, hugot nga nipasalig si Mayor-elect Archival nga sulod sa iyahang dministrasyon, makigtambayayong kini pag-ayo ngadto sa mga vendors aron makapangita og mga malungtarong solusyon, ug mapaayo ang kinatibuk-ang operasyon sa merkado.
Kini nga inisyatiba nagpasiugda sa dedikasyon sa siyudad ngadto sa inklusibo nga pagdumala ug sa grassroots engagement, ilabina sulod sa mga importanteng sektor sa ekonomiya sama sa mga public markets
Isip paghatag og bili sa tahas sa ekonomiya sa Dakbayan sa Sugbo, mapasaligon ang Mayor-elect nga dili niya pakyason ang nagpabiling pasalig nga magtinabangay paingon sa mas organisado ug masuportahan nga palibot sa negosyo.
Busa, nipasalig si Archival sa pagpadayon sa mga konsultasyon ug kolaborasyon uban sa sektor sa merkado aron mas masabtan ug matubag ang ilang mga panginahanglan. | via Bombo Irene Ardiente
