CEBU CITY- Wala nahulga si Cebu City Mayor Raymond Alvin Garcia bahin sa komento sa kanhi kaalyado sa politika sa dakbayan nga si Dismissed Mayor Michael “Mike” Rama nga matod pa “mananapaw” human gihulipan ang posisyon sa pagka-mayor sa dakbayan.
Sa eksklusibong pakighinabi sa Bombo Newsteam kang Mayor Garcia sa iyang opisina sa Cebu City Hall nga matod niya dili na niya dugangan ang hinanakit sa kanhi-mayor og iya lang gud gibuhat ang iyang trabaho subay sa mando sa balaod nga gipatuman sa Department of Interior and Local Government (DILG).
Dugang pa ni Garcia nga wala usb siya nabalaka kung sa higayong ikiha siya ni Rama tungod nagtuo kini nga wlay merito ang pasangil batok kaniya.
Kahinumduman, nga gi-suspenso sa pagka-mayor sa dakbayan sa Sugbo si Rama tungod sa kasong giatubang niini sa buhatan sa Ombudsman kabahin sa wala pagpangsweldo sa 4 ka mga trabahante sa City Assessor’s Office.
Diin maglangkob sulod sa unom ka buwan nga mapupos unta karong buwana apan gitaktak kini sa lain kasong giatubang nga nepotismo diin konektado ang iyang duha ka mga bayaw (brother-in-law).
