CEBU CITY-Milagda og kamandoan si Cebu City Mayor Raymond Alvin Garcia sa paghatag og amnestiya sa mga penalties, surcharges, ug interest parta sa mga unpaid real property taxes sa dakbayan.
Gilangkoban sab kini sa mga unpaid special education fund, idle land tax ug uban pang special levy taxes sa dakbayan sa Sugbo.
Gipahibalo kini ni Mayor Garcia atol sa pakighinabi niini sa mga sakop sa media sa Cebu City Hall kagahapong adlawa sa Lunes, Nobyembre 18, 2024.
Ang maong kamandaon kay mao ang Executive Order No. 22, Series of 2024, diin nag-implementar sa Section 30 sa Republic Act No. 12001.
Kini nga amnestiya mahimong balido sulod sa duha ka tuig, sugod sa Hulyo 5, 2024, hangtod sa Hulyo 4, 2026.
Ingon man nga subay sa gilagdaan kamandoan, nanghinaot ang opisyal nga makabayad na sa unpaid taxes ang mga lumulupyo ug tigpatigayon sa dakbayan.
