CEBU CITY-Nipakita og walay paglubad nga suporta si Cebu City Mayor Atty. Raymond Alvin Garcia ngadto sa Cebu City Police Office (CCPO) sa ilang paningkamot sa pagpatunhay sa kalinaw ug kahapsay sulod sa dakbayan.
Matud niini nga isip kabahin sa iyang pagbisita sa CCPO, gipasiugda ni Mayor Garcia ang kritikal nga papel sa police visibility sa pagpugong sa krimen.
Aron mapalambo kini nga inisyatiba, iyang gipahibalo ang donasyon sa mga patrol cars ngadto sa CCPO, nga makapalig-on sa paglihok alang sa naandan nga mga patrol ug paspas nga pagtubag sa pulisya.
Gawas niining mahinungdanong suporta, gipadayag ni Garcia ang mga plano alang sa groundbreaking sa bag-ong CCPO building, usa ka maayong pagkadisenyo nga tulo ka andana nga pasilidad nga mo-accommodate sa nagkadaiyang unit sa kapulisan.
Kini nga state-of-the-art nga istruktura gitumong sa pagpalig-on sa mga lakang sa pagpugong sa krimen sa tibuok siyudad.
Nipadayag usab ng opisyal nga na-satisfied kini sa kaepektibo sa CCPO sa pagsulbad sa mga krimen, pagdayeg sa dedikasyon sa paggukod sa mga kriminal ug pagseguro nga mahatag ang hustisya.
Ingon man ang iyang pasalig sa pagpauswag sa kapabilidad sa pagpatuman sa balaod kay nagpasiugda sa iyang administrasyon nga nakatutok sa paghimo og mas luwas nga palibot alang sa tanang lumulupyo sa dakbayan sa Sugbo.
