CEBU CITY-Mipahimangno si Cebu City Mayor Michael Rama sa mga nagbuhi ug baboy nga mupahibalo sa ilahang mga barangay ug pakig-alayon sa Department of Medicine Veterinary and Fisheries (DVMF) kung makatikod ug dili ordinaryo nga lihok sa ilahang mga binuhing baboy alang sa hinanali nga aksyon.
Matod pa Atty. Collin Rosell ang executive secretary ni Cebu City Mayor Mike Rama nga gipahibalo kini ni Mayor mike human naluwatan ang Exectuive Order o Oplan Luwas Baboy sa dakbayan sa Sugbo.
Matud pa, ang public issue naglangkob lamang sa pagkamatay sa baboy ug wala’y epekto sa pagkunsomo niini sa tawo.
Subay niini, gikatakda nga pirmahan ni Mayor Rama ang usa ka Executive Order (EO) alang sa dugang nga mga lakang sa paglikay sa pagkaylap sa African Swine Fever (ASF).
Sigon pa, magbutang ang kagamhanan sa syudad ug “ASF Incident Command” arun nga mangolekta ug mga datos, ingon man maghatag ug regular nga updates sa status sa ASF infection sa syudad.
