Gi-anunsyo ni Cebu City Mayor Michael Rama nga iyahang gi-veto ang City Ordinance No. 138-2022 o ang pag-update sa kasamtangan nga real property tax rates.
Katuyoan sa mayor nga maghimo ug bag-ong modelo alang sa pag-revise sa real property taxes sa dakbayan.
Gibutyag ni Atty. Collin Russell, ang secretary ni Mayor Rama, nga gikinahanglan nga lantawon nga ang City government nagsalig sa mga kita gikan sa mga buhis alang sa labing kinahanglan nga panglawas ug ang economic recovery human sa sunod-sunod nga mga hagit ilabi na sa pandemya.
Ang administrasyon ni Rama unang nipadayag sa pipila niini ka mga plano nga usbon ang real property tax rates sa dakbayan sa 2022 isip usa sa dakong tinubdan sa pondo sa P50-billion nga budget karung tuiga.
Nasayran nga katapusang gi-update sa syudad ang mga bayranan sa buhis sa real property niadtong 2004.
Gihimug-atan ni Rama nga panahon na arun nga usbon sa syudad arun nga masiguro nga walay hunong ang paghatod sa mga batakang serbisyo ug programa.
Ang revised real property tax rates nga anaa sa City Ordinance No. 138-2022 kay gikatakda unta nga ipatuman sa duha ka hugna, diin ang unang hugna kay magsugod karung 2024.
