CEBU – Nimando si Cebu City Mayor Michael Rama sa pagmugna og special task force aron matubag ang grabeng problema sa baha sa Siyudad.
Sa iyang Executive Order (EO) No. 2 series of 2022, nga giluwatan gahapong adalwa Biyernes, Agosto 19, 2022, gitahasan ni Rama ang special task force sa pagpalambo sa usa ka flood-resilient Cebu City uban sa koordinasyon sa nagkalain-laing ahensya sa gobyerno ug ubang stakeholders.
Ang special task force gilangkuban sa lain-laing buhatan sa gobyerno, sama sa Secretary to the Mayor, Office of the City Administrator, City Planning and Development Office (CPDO), Office of the City Engineer, Office of the Building Official, Department of Public Works ug Highways (DPWH)-Cebu City District Office, DPWH 7, ug Local Housing Board, ug uban pa.
Dugang pa, nga kini nga mga buhatan kinahanglang moapil sa pag-umol ug pagpatuman sa mga plano ug polisiya sa pagsumpo sa grabeng pagbaha; Naglakip kini sa pagpalambo sa malungtarong plano sa pagkontrol sa baha nga adunay gitakda nga engineering, environmental, ug housing resettlement.
Gitahasan sa mayor ang special task force sa pag-andam ug environmental solutions masterplan nga maglakip sa recovery ug restoration sa natural waterways, pag-ila sa green zones ug massive greening o tree planting programs, ug uban pa.
