CENTRAL VISAYAS-Gibisita ni Cebu City Mayor Michael Rama ang haya ni Negros Oriental Governor Roel Degamo kagahapong adlawa.
Gihandom ni Mayor Rama ang mga malipayon niini nga kasinati-an kauban ang mitaliwan nga gobernador.
Matud sa mayor nga nakauban ug nag-abot sila ni Governor Degamo niadtong Kadaugan sa Mactan sa dakbayan sa Lapu-Lapu diin mitambong usab ang gobernador.
Gisiguro ni Rama ngadto kang Pamplona Mayor Janice Degamo nga aduna kini ‘big brother’ sa dakbayan sa Sugbo, dungan sa paghatag niini sa iyahang calling card.
Sa habig usab ni Mayor Janice, gipadayag usab sa asawa sa gobernador nga sa Sugbo nga dili layo sa ilahang kasingkasing ang Sugbo gumikan sa kadaghang Degamo sa lalawigan ug dakbayan, itandi sa Negros Oriental.
Gipasalamatan niini si Mayor Rama sa pagbisita sa Negros Oriental ug paghatag ug pahasubo sa ilahang pamilya.
