Mibinat og dakong labaw ang Cebu City Niños sa leaderboard nga adunay kinatibuk-ang 167 ka mga medalya atol sa penultimate day of action sa Central Visayas Regional Athletic Association Meet 2024 sa pagtak-op sa Mayo 8, ning kasamtangang tuig.
Diin ang paghakot og medalya sa dakbayan sa Sugbo naglakip sa 63 ka bulawang medalya nga adunay 46 ka silver medals ug 58 ka bronze nga nagpasiugda sa hingpit nga dominasyon niini sa mga duwa sa rehiyon.
Samtang ang dakbayan sa Dumaguete lig-ong naggunit sa ilang ikaduhang pwesto nga adunay 34 ka bulawan, 39 ka silver, ug 30 ka bronze medals.
Anaa usab sa ikatulong pwesto ang lalawigan sa Bohol nga adunay 27 ka gold medals, 32 ka silver, ug 34 ka brinze medals.
Gisundan dayon kini sa Tagbilaran City, Mandaue City, Bayawan City, Lapu-Lapu City, Cebu Province, Negros Oriental, Danao City Toledo City, Bogo City, Carcar City, City of Naga, Tanjay City Canlaon City, Bais City, Siquijor, Talisay ug anaa sa kinalasan ang Guihulngan City.
Subay niini, ipasa sa dakbayan sa Sugbo ang torch ngadto sa Bayawan City, Negros Oriental isip mao’y mo-host sa Central Visayas Regional Athletic Association sunod tuig.
Kini ang gikompirmar ni Cviraa Games Secretariat Adolf Aguilar, kinsa nagsilbi usab nga assistant superintendent sa Department of Education (DepEd) sa dakbayan sa Sugbo.
