Nakaisa ang Blue Alert Status sa tibuok dakbayan sa Sugbo isip pagpangandam sa kadaot nga posibleng dala sa nagsingabot nga Tropical Depression WILMA.
Kini ang gitino ni Cebu City Councilor Dave Tumulak, kinsa sab ang Chairman sa City Council Committee on Disaster Risk Reduction and Management sa deklarasyon sa Cebu City DRRMO sa Blue Alert Status aron mapahimangnoan ang publiko ug ang mga kabarangayan nga mangandam sa posibleng epekto sa bagyo aron sa pagsiguro sa kaluwasan sa kinabag-an ug pagpaniguro sa tanang butang nga maapektohan.
Sumala pa sa opisyal nga sa ilang pag-analisar sa mga weather forecast lakip na ang gipagawas sa DOST-PAGASA nga adunay grabeng pag-uwan ug haguros nga hangin ang paabuton.
Gani panawagan ni Tumulak sa mga lumulupyo sa mga doul sa kasapaan nga manigurong mubakwit na og makig-koordinar sa mga kabarangayan aron malikay ang susamang kadaot niadtong mga nakalabayng bagyong nangagi karong panahona.
Dugang pa sa opisyal nga naka-standby na og andam ang mga kabarangayan sa dakbayansa epekto sa dagan sa panahon tungod kay tulo ka mga weather disturbances ang aktibo karong panahona nga mao ang Hanging Amihan (Northeast Monsoon), Shear Line, ug ang Bagyong WILMA.
Ingon man nga padayong sugyot niini sa publiko ilabi na sa mga kabatan-onan, PWDs, ug mga Senior Citizens nga ipahimutang na sa luwas nga dapit tungod kay mao kini ang mga pinaka-bulnerable sa panahon sa katalagman.
