CEBU CITY-Nakab-ot na sa buhatan sa Cebu City Office of the Building Official (OBO) ang collection target niini nga P150-milyones sa wala p natapos ang tuig 2024.
Kini ang gipahibalo ni Architect Florante Catalan, ang pangu sa OBO diin matod pa niini nga dako kining kalampusan sa ilang buhatan ilabi na nga gisaligan sila sa administrasyon ni Cebu City Mayor Raymond Alvin Garcia sa paghatag og dugang personahe aron mabuhat sa mas daling panahon ang ilang tahas sa dakbayan.
Subay sa ilang datos nga miabot sa P153,440,561.83 ang nakolekta sa OBO nga naglakip na sa Annual Inspections, Business Permits, Building Permits ug uban pa.
Gani dakong hagit karon sa buhatan nga kun dili man gani ma doble kay malapas pa sa P150-milyones ang ilang makolekta isip magahin nga revenue stream sa kagamhanang dakbayan nga magasto sa mga serbisyo nga idalit niini sa matag lungusranon sa dakbayan sa Sugbo.
