Nakadawat ug imbetasyon ang Cebu City Office for Substance Abuse Prevention (COSAP) gikan sa gobyerno sa US aron pauswagon ang Community-based Drug Rehabilitation Program (CBDRP).
Gibutyag ni Jonah John Rodriguez ang head sa COSAP nga usa ka kaayuhan nga maimbitar sa US government aron makat-on ug matuki ang dugang mga programa nga makatabang sa mga drug surrenderer sa dakbayan.
Matud pa ni Rodriguez nga ang maong imbitasyon nagpakita nga ang COSAP nakakuha sa pagsalig sa ubang mga nasud, lakip na sa US counterpart niini.
Tino pa niini nga posibling karong tunga tunga sa tuig mopaingon na kini sa Estados Unidos dala ang pipila ka mga Recovery Coach aron kapun-an ang ilang mga kaalam.
Samtang pipila ka mga opisyal sa United Nations Office on Drugs and Crime (UNODC), lakip ang Thailand, Cambodia, Indonesia, Laos, Myanmar, ug Vietnam, nibisita sa dakbayan sa Sugbo aron pagsusi sa drug rehabilitation program sa dakbayan.
