Human sa pakigtigi sa 8,500 ka mga estudyanteng-atleta, malampuson nga nalangkat sa host delegate, Cebu City ang overall champion sa CVIRAA Meet 2024.
Tungod sa pag-angkon sa pinakadaghang medalya sa tanang kategorya nga nakalangkat og kinatibuk-ang 269 nga gilangkuban sa 118 ka buwalang medalya, 73 ka silver, ug 78 ka bronze medals.
Samtang ang first runner-up mao ang Dumaguete City nga adunay 41 ka bulawan, 44 ka silver, ug 33 ka bronze medals nga gisundan sa Bohol nga adunay 38 ka bulawan, 48 ka silver, ug 56 ka bronze medals.
Ug anaa sa ikatulong pwesto ang Mandaue City nga adunay 35 ka bulawan, 35 ka silver, ug 49 ka bronze medals, samtang ang Cebu Province nakadala og 32 ka bulawan, 43 ka silver, ug 62 ka bronze medals.
Atol sa pakighinabi sa Bombo Radyo Cebu Newsteam kang Dr. Salustiano Jimenez, ang Regional Director sa Department of Education Central Visayas nga nagmalampuson nga nahuman ug wala’y natala nga dagkong insidente sa Central Visayas Regional Athletic Association 2024.
Ug usa sa mga highlights sa closing remark mao usab ang pagpasa sa torch sa Bayawan City, Negros Oriental nga mao’y mo-host sa sunod CVIRAA 2025 diin gikahinaman sa mga taga Bayawan.
Dugang pa sa pangu nga 90 porsyento nga andam na usab ang Cebu City nga mo-host sa umaabot nga Palarong Pambansa sa Hulyo gumikan sa nagmalampuson nga CVIRAA nga nahimong dry-run.
