Nigawas sa imbestigasyon sa Cebu City Police Office (CCPO) nga aduna pay lima ka mga indibidwal ang nalambigit sa kamatayon sa tinun-an nga si Ronnel Baguio kinsa gipaubos sa hazing atol sa initiation rites sa usa ka fraternity niadtong Disyembre 2022.
Gibutyag ni Police Col. Ireneo Dalogdog ang Director sa Cebu City Police Office City, nga nakig-alayon na karon ang magtutudlo nga giingong ni-recruit kang Baguio aron makasulod ug nagtudlo sa ubang mga suspek.
Dugang ni Col. Dalogdog nigawas sa ilang imbestigasyon ug gipangutana ang magtutudlo nga ang lima ka mga indibidwal mga master initiator ug mga estudyante nga sakop usab sa Tau Gamma Phi.
Gidugang pa niini nga ilang gikuha ug giandam ang affidavit sa magtutudlo ug laing testigo nga misalmot sa fraternity ni Baguio aron ilang mapasaka ang kaso sunod semana.
Samtang, ang magtutudlo gikonsiderar pa nga person of interest o POI ug pasakaan kini og kasong murder sa kapulisan.
Mahimong state witness ang Magtutudlo kung mapasaka ang kasong pagpatay.
Giawhag karon sa kapolisan ang mga opisyal sa Tau Gamma Phi nga mokontak sa kapolisan aron mahatagan og solusyon ang kamatayon sa biktima.
