CEBU CITY-Gumikan sa kamatayon ni Governor Roel Degamo sa milabay nga mga adlaw diha-diha dayon nagpahigayon ang kapulisan sa Cebu City police Office (CCPO) ug mga nagkadaiyang lakang sama nalang sa Threat Assesment ilabi na sa pagsusi sa Mayor sa dakbayan sa Sugbo ug sa mga public Officials ug sa pamilya niini ug aduna ba’y hulga sa kinabuhi.
Sa pakighinabi sa Bombo News Team kang Police Colonel Ireneo Dalogdog, Cebu City Police Office Director nga kinahnglan nga adunay personal security ug dapat maampingon sa ilang mga seguridad kay naasoy nga Police Official nga dili malikayan nga adunay mga tao nga magkainteres sa siguridad sa mga public offical gumikan sa kainit sa politika.
Matod pa niini nga kung adunay mga engagement ang Mayor sa matag barangay makig-alayon dayon kini sa mga Police Stations aron adunay augmentation kung asa ang mayor.
Samtang, nipaabot usab kini ug pahasubo sa pamilyang degamo sa kamatayon ni Governor Roel Degamo.
