CEBU CITY-Gisusi pagbalik sa Cebu City Risk Reduction Management Office ug Department of Veterinary Medicine and Fisheries and Sitio Babayas Barangay Adlaon ning Dakbayan sa Sugbo kung diin gipahigayon sa nakalabayng adlaw ang rescue operation sa mga iro nga giabandonar sa usa ka rescue house.
Gumikan sa kabaho sa maong lugar nihangyo ang barangay nga butangan ug deodizer harun nga mawala ang kabaho sa mga iro nga nangamatay.
Nasayran nga duha ka tuig nang nag-operate ang rescue house nga gipadagan sa usa ka Lorna Maano Oberes nga mao usab ang niabandona sa lugar uban ang mga iro dul-an sa buwan na ang nilabay diin na rescue sa City Government ang 102 ka mga iro ug ang uban niini gilubong sa maong dapit gumikan kay kini nangamatay.
Kasamtangan nga gibutang ang mga na rescue nga iro sa DVMF compound sa dakbayan ug posibling mag-atubang ug tukmang kaso ang nibuhat sa maong salaod.
