CEBU – Giklaro ni Atty. Gerry Carillo, ang chairman sa Cebu City Disaster Risk and Management Council, nga dili dungan ang 80 ka mga barangay sa syudad nga mahatagan sa mga cash assistance.
Matud pa, “by batch” ang paghatag sa mga ayuda ug sa matag adlaw lang nga Biyernes.
Kahinumdoman nga una nang gihunong ang pagpang-apud-apud sa mga cash assistance gumikan sa election ban sa Comelec.
Sigon pa, aduna pa’y kapin sa 100,000 ka mga beneficiaries, ug mao kini ang unahon nila paghatag, dayun isunod ang assistance alang sa mga PWD ug senior citizens.
Gisiguro ni Atty. Carillo nga mahuman ug mahatagan gayud ang tanan nga mga beneficiaries sa tanang mga barangay, hayan hangyo niini sa tanan nga magpaabot lang sa ilahang mga schedule.
Ang mga mahatagan sa maong cash assistance kay kadto unang mga beneficiaries sa TAPAT, stimulus ug mga apektado sa bagyong Odette.
