CEBU CITY-Hingpit na nga andam ang Cebu City Transportation Office alang sa umaabot nga Sinulog 2024 ilabi na nga sugdan karon Enero 11 ang Opening Salvo apil nasad ang foot procession ug parade sa Osmeña Boulevard.
Gibutyag ni Raquel Arce, ang pangu sa Cebu City Transportation Office nga Joint Project sa PNP ug DILG ang magpalukop sa Osmeña Boulevard.
Apil na usab ang coverage sa Plaza Indepencia hangtod Capitol aron nga masiguro ang seguridad sa katawhan ingon man ang dagan usab sa trapiko.
Sa pikas bahin, ang mga vendor, sama sa mga food concessionaires, pasudlon sa Cebu City Sports Center (CCSC) atol sa grand showdown sa Sinulog sa Kabataan sa Lalawigan og Dakbayan karon umaabot nga Enero 13-14.
Matod pa ni Arce, ipatuman kini human nga makadawat ang mga vendors sa ilahang notice apan sa pagkakaron, anaa pa kini sila sa pagpreparar sa maong notice.
