CEBU CITY-Mopasaka og kaso ang Cebu City Transportation Office (CCTO) batok sa mga tawo nga giingong nanghasi sa mga personnel niini tungod sa pag-clamp sa pipila ka mga sakyanan sa Barangay Sirao niadtong Sabado, Agosto 12.
Matod sa pangu sa CCTO nga si Raquel Arce, nga Kasong pagsuway ug pagsukol sa person in authority, harassment ug grave threats ang ipasaka sa higayon nga mailhan na ang mga tawo nga nalambigit sa giingong harassment.
Gidepensahan ni Arce ang iyang mga personahe, ug giklaru nga walay iregularidad sa mga operasyon niadtong Sabado.
Dugang pa, nga dugay na nga naglungtad ang usa ka lokal nga balaod nga nanginahanglan og permit alang sa off street parking.
Hinungdan nga dili na sala sa CCTO nga adunay mga residente nga wala masayod sa maong balaod.
Una niini, mihatag og katin-awan si Cebu City Mayor Micheal Rama sa gihimong pagpang-clamp sa mga sakop sa Cebu City Transportation Office (CCTO) niadtong tapos sa semana sa atubangan sa Sirao garden.
Gipatawag na ni Rama ang mga dagkong opisyales sa turismo karong adlawa arun husayon ug hisgutan ang maong isyu.
Giklaro usab ni Rama nga hagbay ra nga gimando-an si Konsehal Gerry Guardo sa pagpahawan sa maong lugar ug hugot nga gidili ang ‘roadside parking’ nga makaperwisyo sa publiko.
