CEBU CITY-Gitataw ni Maria Pino, ang head sa Cebu City United Vendors Association (CCUVA), nga walay hunong ang pagkumbinsir niini sa iyahang mga kauban nga vendors sa Carbon Public Market nga suportahan ang kagustohan sa Cebu City Government nga mahimong Singapore-like ang dakbayan sa Sugbo.
Matud pa nga usa gayud sa mga highlights mao ang pag-modernize sa Carbon Public Market.
Giingong nakasabot kini sa vision ni Cebu City Mayor Michael Rama nga mapanindot ang naasoy nga merkado.
Sigon pa, misalig kini sa gibarugan nga prinsipyo sa mayor nga walay vendors nga maapektohan hinungdan nga nagpadayon ang iyahang pag-monitor nga walay panginabuhi-an nga mawagtang gumikan sa modernisasyon.
Gitino ni Pino nga pabor gayud kini sa pag-modernize sa Carbon gumikan kay nakita niini nga kaayohan kini sa mga vendors ug sa mga Sugbuanon nga mamalitay.
Kahinumdoman nga supak sa modernisasyon sa Carbon Public Market si Pino kaniadto sa panahon ni anhing Mayor Edgardo Labella apan sa dihang gipadagan kini ug konsehal apan napildi sa pag-puli na ni Mayor Rama, wala na kini musupak sa lakang sa pag-modernize sa naasoy nga merkado.
