Cebu City Vice Mayor Alvin Garcia gustong magpabilin si Atty. Jose Daluz III sa MCWD

CEBU – Gibutyag ni Cebu City Acting Mayor Raymond Alvin Garcia nga gusto niini nga magpabilin si Atty. Jose Daluz III ang kasamtangang Metropolitan Cebu Water District (MCWD) board bisan pa sa apela sa MCWD Employees’ Union (MEU’s) nga mokanaog kini sa katungdanan.

Matud pa ni Garcia, nga ang union ug ang mga empleyado kinahanglang hatagan og higayon si Daluz ug ang tibuok board of directors nga makapasundayag human sa pagbuntog sa mga hagit sama sa COVID-19 pandemic ug Bagyong Odette nga miigo sa Sugbo ug ubang bahin sa Visayas ug Mindanao.

Dugang pa, nga ang pandemya nakapalisod sa mga awtoridad sa MCWD sa pagpatuman sa mga proyekto ug programa nga ilang giplanohan alang sa water district.