Mutanyag og P50,000 nga ganti si Cebu City Vice-Mayor Tomas “Tommy” Osmeña nga gikan sa iyang kaugalingong bulsa sa mikinsa ang makatudlo kanila kung asa na ang gisaad nga P12.1-bilyones nga pundo daw sa City Hall nga maoy pasalig ni former Cebu City Mayor Raymond Alvin Garcia.
Kini maoy gipamahayag ni Osmeña atol sa post niya sa iyang social media account nga nag-sungog nasab kang Garcia og “Gwen Jr” nga pasumbingay nga istorya nga liwat kini sa iyang iyaan nga si former Cebu Provincial Governor Gwendolyn Garcia.
Matod pa ni Osmeña, nga hinay-hinay na silang nagtrabaho sa budget para sa sunod tuig 2026 isip tahas nila sa lehislatura apan dakong pangutana niini nga asa man ang sinaad nga surplus nga kwarta sa City Government nga mubalor og P12.1-bilyones.
Apan sa pagkakaron kay padayon ang ilang pagsukit-sukit kay sa ilang nasura nga “leaking” gihapon ang panudlanan sa kagamhanang dakbayan.
Gani sa bag-ohay lang nga report sa Commission on Audit (COA) nga daghang anomalosong procurements ug expenditures ang nakit-an nga daw gibilin sa administrasyong Garcia og sa karaang alyado niini nga si former Cebu City Mayor Michael “Mike” Rama.
Usa sa mga nakita nilang kadudahan paggasto sa nakalabayng administrasyon kay mao ang pag-flagged sa COA sa P2,200 ngadto sa P3,400 kada adlaw nga suhol sa mga consultants sa City Hall nga mahimo ra unta nga trabahuon sa regular employees.
Ulahing panungog ni Osmeña ngadto sa kanhi administrasyon nga karon ang kagamhanang dakbayan sa Sugbo kay dili na “Buaya Y Delicadeza” o “BYD” government.
