Wala gikalipay ni Cebu City Vice Mayor Tomas Osmeña, ang gi-ingung irrigularities ug deficit nga budget sa dakbayan, ug mibutyag kini nga ang giingong mga anomaliya nga bag-o lang gibutyag sa kagamhanan sa dakbayan sa Sugbo mao pa lang ang sinugdanan sa iyang gituohan nga mas dako ug mas lawom nga problema.
Gikompirmar usab niini nga si kanhi Commission on Audit commissioner Heidi Mendoza, nalakip aron makatabang sa pagpangulo sa usa ka independenteng pagsusi sa panalapi sa dakbayan.
Kini human nga gibutyag ni Mayor Nestor Archival Sr. ang iyang gitawag nga iregularidad sa pagpamalit ubos sa miaging administrasyon, apil na ang kontrobersyal nga pagpalit og P4.4-million BYD Tang electric SUV ug mga taho sa overpriced nga T-shirts nga giingong nagkantidad og P20,000.
Kahinumdoman nga mipahimangno si Archival sa dagkong mga isyu sa budget sa City Hall ug nipasangil nga ang pag-usik ug overpriced nga procurement deals ubos sa administrasyon ni Rama ug Garcia nakatampo sa projected deficit nga P2 ngadto sa P3 bilyones.
Dugang niini nga ang mga lakang nga nagmugna dili maayung sumbanan. | Bombo Nathaniel Sandoval
